Seekh Raha Hoon

Tanha Rehna seekh raha hoon
Mar ke jeena seekh raha hoon..

Maang ke pana seekh liya hai
Pa ke khona seekh raha hoon..

Phirtay, phirtay sehra, sehra
Pyaas ko peena seekh raha hoon..

Marham to Rakhna na aaya
Zakhm khoorachna seekh raha hoon..

Jeenay ke hain ajab tarike
Zinda rehna seekh raha hoon..

Madhooshee ne bohat sataaya
Hosh main rehna seekh raha hoon..

Dar kar zehar kay pyaalay say
Such ko chupaana seekh raha hoon..

Rotay Rotay auron par
Khud pay hansna seekh raha hoon..

Ghum nay mujh ko bohat hai khoya
Ab gham khana seekh raha hoon..